Maut

 Aye Maut, Tu toh Zindagi se bhi Haseen hai...

Zindagi jaha ek meetha sa jhooth ..,

Toh tu ek kadwa sach!!

Zindagi agar ummeedon ka silsila hai...

Toh tu Haqeeqat ka Aaina !!!

Zindagi sapno mein jeena seekhati hai....

Toh tu sacchai se wakif karati hai...!!!

.

 Aye Maut, Tu toh Zindagi se bhi Haseen hai...!!!!!

.

Puri Zindagi pyaar ke liye Tarasti rahi....

Aur aaj maut ke baad sab pyaar bhare shabd bole jaa rahe hai...

Saari umar tarasti rahi thofe paane ke liye...

aur aaj mujhpe phoolon ki barsaat kiye jaa rahe hai....!!

Zindagi bhar sabki Muskan banna chaha...

Aur aaj...aansu ban bahe jaa rahi hu...!!!

.

Kabhi socha na tha ke meri maut pe bhi log aansu bahayenge...

Lekin aaj....aaj toh lehre uth rahi hai....!!!

Umar bhar jiske saath ke liye tarasti rahi...

Woh bhi aaj baitha hai mere laash ko pakad...!!!

Jab Zinda thi..toh koi saath nahi tha..

Aur aaj...maut ke baad, kafile saath chal rahe hai....!!!

.

.

 Aye Maut, Tu toh Zindagi se bhi Haseen hai...!!!!!