Zindagi Badi Honi Chahiye...!!!

Bheed bhari sadko par tez kadam badhati hu,

Lekin kahi andar jaise ruk si jaati hu,

Zindagi chal toh rahi  hai, par jeene ka ehsaas kahaa,

Har din naye sapne dekti, par woh sukoon ka toufa kaha?

Phir ek shaam purani yaado se milne chali,

"Kahi dur jab din dhal jaye" sun kar, Laptop khol "Anand" dekhne baith gayi,

Woh Anand, jise dekh aankein num ho gayi,

Wahi hasi, jo dukho ka libaas pehenti thi,

wahi jo baato baato mein, zindagi ka matlab keh deta tha...

"Babu Moshai, yeh zindagi badi honi chahiye, lambi nahi",

Ek line jo sirf dialogue nahi, zindagi ka matlab sa ban gaya,

Jo haske jeena sikhagaya, par jaate jaate khoob rula gaya..

Koi apna na tha, pas har kisi ka ho gaya..!!

Magar aaj, har koi bas jeetne ki daud mein hai,

Jaise zindagi ka har pal, kisi report mein hai,

Jin lamho ko jeena tha, aaj bas ginti ke reh gaye hai..

Hasi bhi emojis mein simat gayi hai,

Zindagi bhi, ek screen pe chipak gayi hai..

Na kahi woh hasi, na woh baatein purani,

Bas ek race hai, ek jeet ki kahani..

Kaash hum bhi Anand se thoda jeena seekh lete,

Khushiyo ke pal kisi se baant lete..

Dukh chupane ke bajaye, Muskurakar jee lete,

Zindagi sirf saans nahi, ek pal ka jadoo samajh lete..!!

Iss corporate ke zamane ien, thodi masti chura leti hu,

Jab bhi man bhar jata hai, diary kholti, kuch sabd likh,

Phone/Laptop pe, Rajesh Khanna ki "Anand" dekh leti hu,

Aur jab duniya sirf shor karti hai kahi

Tab bhi, halki si ek awaaz, kaano mein ghunjti hai -

"Zindagi badi honi chahiye, lambi nahi"..!!!💗💗