Khudse Ishq karne lagi hu...!!!!❤️

Aajkal Khudse thoda zyada milne lagi hu,

kisi aur ke liye nahi, ab khud ke liye jeene lagi hu..,

aajkal Khwaab sunehre se ane lage hai, 

Aur neend puri hone lagi hai..,

Kal tak jo roz aine se dur bhagti thi,

Ab aine mein dekh, khudko shabaashi bhi dene lagi hu...!!!

Aajkal gussa kam sa karti hu,

Auro ka boj ab nahi sehti hu,

Swabhimanta ko ab apne, sabse upar rakhne lagi hu,

Pata hai.....Mein aajkal khud se mohabbat karne lagi hu...!!!

Kal tak har baat mein kami nazar aati thi,

ab har cheez ko naye nazariye se dekhne lagi hu..,

Jin aankhon ne saalo tak mere aansu chupaye hai,

ab un aankhon ko muskurate dekhti hu...,

Chehre ke woh daag jo kal tak bhadde lagte the,

ab aine mein usi chehre ko thoda aur nihar leti hu..,

Pata hai...ab mein khudse Ishq karne lagi hu...!!!!

Mein girti hu, sambhalti hu,

Phir khud ka haath pakad, khud hi uth jati hu...,

Log bolte hai - "Badal gaye hai tevar tumhare...ab phele jaisi baat kaha...!!!",

Mein bhi muskurake keh deti hu - "phele jaisi thi hi kab? Ab toh asli mein hu - Jaisi hu, waisi hu.., bas apne jaise hu..!!!"

Ab na kisi ke saath se darr lagta hai,

Naa kisi ke jaane se..,,

Ab akele lakshya tak chalna asaan lagta hai...,

Kyuki, aajkal kisi gair se nahi, khud se hi Ishq karne lagi hu..!!!

💗💗